Самі Насеры

Самі Насеры
фр.: Samy Naceri
Дата нараджэння	2 ліпеня 1961(1961-07-02) (63 гады)
Месца нараджэння	IV акруга Парыжа, Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Прафесія	акцёр, кінапрадзюсар, кінаакцёр
Узнагароды	Прыз Канскага кінафестывалю за найлепшую мужчынскую ролю[d] (2006)
IMDb	ID 0618651
Медыяфайлы на Вікісховішчы

Саід «Самі» Насеры (фр.: Samy Naceri; нар. 2 ліпеня 1961, Парыж) — французскі акцёр берберскага паходжання, найбольш вядомы дзякуючы галоўнай ролі Даніэля ў фільме «Таксі» і яго працягах.

Біяграфія

Здымаўся ў масоўках. Менавіта ў гэты час ён вырашыў змяніць сваё імя з Саіда у Самі. Рэжысёр Тама Жылу даў яму першы рэальны шанц — роля Нордзін у фільме «Рай». Насеры ўразіў крытыкаў і атрымаў дзве ўзнагароды на Міжнародным кінафестывалі ў Лакарна і кінафестывалі ў Парыжы.

Кар’ера Насеры пайшла на ўзлёт пасля нечаканай сустрэчы з рэжысёрам і прадзюсарам Люкам Бесонам. Яны сустрэліся на здымках фільма «Леон» (1994), у якім малады акцёр сыграў ролю паліцыянта ў шлеме ў адной з апошніх сцэн. Іх шляхі зноў перасякуцца праз некалькі гадоў, на здымках кліпа Nés sous la même étoile (Народжаныя пад адной зоркай) групы IAM.

У сваім фільме Бесон даў Самі ролю Даніэля, маладога таксіста з Марселя, які любіць магутныя машыны і звышхуткасці. Нягледзячы на прахалодныя водгукі, фільм «Таксі» (1998) аказваецца камерцыйна паспяховым. Гэта штурхае прадзюсараў здымаць працягі: «Таксі 2» (2000), «Таксі 3» (2003) і «Таксі 4» (2007), у якіх сімпатычны таксіст, насуперак свайму жаданню, служыць уладам.

У 2006 годзе акцёр атрымаў прэмію за лепшую мужчынскую ролю ў фільме «Патрыёты» на Канскім кінафестывалі (разам з іншымі акцёрамі гэтага фільма).

Пасля 2009 года з прычыны частых праблем з законам пачаў усё радзей з’яўляцца на тэлебачанні. У 2015 годзе сыграў у тэатральнай пастаноўцы L’indien cherche le Bronx тэатра Théâtre du Gymnase.

У 2018 годзе пачаў працу над фільмам «Краб», аўтарам сцэнарыя і рэжысёрам, якога выступіў яго брат Бібі Насеры. Пазней праект быў перайменаваны ў «Настаўнік».

Фільмаграфія

Год		Беларуская назва	Арыгінальная назва	Роля
1994	ф	Леон	Léon	паліцэйскі ў шлеме
1998	ф	Таксі	Taxi	Даніэль Маралес

Спасылкі

• Самі Насеры на сайце «Internet Movie Database» (англ.)